Оның сөзінше, мешітке оқ атқан адам бірден ұсталған. Тергеу барысында ол тәжікстандық екенін айтқан.
Болжам бойынша, күдікті мешітке кіріп бара жатқанда күзет қызметкерлері тоқтатқан кезде оқ атқан.
Бұл оқиға жөнінде тәжік билігі пікір білдірмеді.
Ирандағы шииттер үшін ең қасиетті саналатын бес орынның бірі есептелетін Шах-Черах мешітінде 13 тамызда оқ атылып, кемінде бір адамның өмірі қиылып, сегізі жарақат алған.
Шабуылға ешбір ұйым жауапкершілік алмады.
Шах-Черах мешітінде былтыр қазан айында теракт болып, 15 адам қаза тапқан. Ол кезде "Ислам мемлекеті" шабуылды мойнына алған.