Ҳолат юзасидан изоҳ берган Тошкент шаҳри таълим бошқармаси “А.Гасановнинг кейинги тақдири ҳақида бирорта маълумот мавжуд эмаслиги ва у ҳозирда пойтахтдаги умумтаълим муассасаларида фаолият кўрсатмаётгани”ни айтиш билан чекланган.
Мактаб психологининг ўқувчи қизларга тегажоғлик қилгани 2022 йил апрель ойида жамоатчилик эътиборига тушиши ортидан у ҳуқуқ-тартибот органлари томонидан ушланиб, руҳий касалликлар шифохонасига жойлаштирилган эди.
2022 йил 19 август куни жиноят ишлари бўйича Миробод судининг ҳукми билан О.Гасановга Жиноят кодексининг 129-моддаси (ўн олти ёшга тўлмаган шахсга нисбатан уятсиз-бузуқ ҳаракатлар қилиш) билан 2 йил муддатга озодликдан маҳрум қилиш жазоси тайинланган. Судланувчи 2 йил муддатга педагогик фаолият билан шуғулланиш ҳуқуқидан ҳам маҳрум қилинган.
“Gazeta.uz” нашри суд ҳужжатларига таяниб маълум қилишича, 2022 йил 28 октябрда жиноят ишлари бўйича Оҳангарон шаҳри суди ҳукм чиқарилгандан атиги 3 ой ўтиб, Гасанов томонидан ўталмаган (1 йил 5 ой 28 кун) озодликдан маҳрум қилиш жазосини ахлоқ тузатиш ишларига ўзгартирган.
2023 йил 26 май куни жиноят ишлари бўйича Мирзо Улуғбек тумани суди О.Гасановни “пенсия ёшига етгани сабабли” 1 йил 10 кунлик ахлоқ тузатиш ишлари жазосидан озод қилган.
2023 йил 4 август куни эса айни шу суд педагогик фаолият билан шуғулланиш ҳуқуқидан маҳрум қилиш жазосининг қолган қисмидан ҳам шартли равишда озод қилган.
Тошкент шаҳридаги 158-мактабнинг 3-5-синф ўқувчиларини ахлоқсиз ҳаракатлар қилишга мажбурлагани ортидан 2 йилга қамалган психолог Азад Гасанов муддатидан олдин озодликка чиқди ва яна ўқитувчилик фаолиятига қайтди. Бу ҳақда Nemolchi.uz лойиҳаси хабар берди.