Қырғызстан президенті баспасөз қызметінің хабарлауынша, кездесу барысында олар Қырғызстан мен Өзбекстан арасындағы саяси, сауда және экономикалық, мәдениет және гуманитарлық салалардағы әріптестікті әрі қарай кеңейтуге қатысты пікір алмасты. Садыр Жапаров қырғыз-өзбек қарым-қатынасы барлық салада түрленіп келе жатқанын атап өтті.
Қырғызстан президенті кейінгі жылдары екі ел арасындағы сауда артқанын айтып, үкіметтер қолға алған жоспарлар іске асатынына сенім білдірді.
Өзбекстан премьер-министрі Абдулла Әріпов Шавкат Мирзияевтің Қырғызстанға сапары кезінде қабылдаған тарихи шешімдерге баса назар аударды. Ол қырғыз-өзбек мемлекеттік шекарасын делимитациялау мен демаркациялау ісінің аяқталғанын атап өтті.
Кездесу барысында бірлескен жобалар мен жоспарларды жүзеге асыру мәселесіне ерекше көңіл бөлінді.