Жаҳон чемпионати доирасида ўтказилган “Дўстлик кубоги” учун курашда Қозоғистоннинг «Астана» жамоасини 10:1 ҳисобида мағлуб этган Қирғизистон Республикаси Талас вилоятининг «Ынтымак» жамоаси ғалаба қозонди. Учинчи ўринни Қирғизистоннинг «Достук» жамоаси эгаллади. Қирғизистон ва Қозоғистоннинг саккизта жамоаси ўртасида “Дўстлик кубоги” ўтказилди.
Олти мамлакат термалари иштирок этган жаҳон чемпионатида эса Қирғизистоннинг Жалолобод вилоятининг «Жаштик» жамоаси ғолиб бўлди. Финалда у Красноярск (Россия) жамоасини 2:0 ҳисобида мағлуб этди. Учинчи ўринни Ўзбекистон терма жамоаси эгаллади.
Ғолиб жамоага икки миллион сом (22,6 минг доллардан ортиқ), иккинчи ўрин учун бир миллион, учинчи ўрин учун 800 минг сом мукофот пули тақдим этилади.
Шу куни Қирғизистон ва Қозоғистон терма жамоалари ўртасида 45 ёшдан ошган футболчилар иштирокида ўйин бўлиб ўтди. Ғалаба қирғизистонлик футболчиларга насиб этди.
Жаҳон чемпионатида АҚШ, Ўзбекистон, Қозоғистон, Россия, Афғонистон ва Қирғизистон терма жамоалари иштирок этди. Мусобақада жами 12 та жамоа иштирок этди.
Бу кўкбору бўйича илк жаҳон чемпионати бўлиб, бу йил ўйинлар Қирғизистон ҳудудида бўлиб ўтди.