Бу ҳақда қисқа хабар берган Бош прокуратура ҳолат юзасидан терговга қадар текширув ҳаракатлари ўтказилаётгани, ўлим сабабини аниқлаш мақсадида суд тиббий экспертиза тайинланганини билдирган.
“Gazeta.uz” нашрига кўра, турмуш қурганига ҳали бир ой ҳам бўлмаган келиннинг қариндошлари ўлим сабабига шубҳа билдирмоқда.
Маълум бўлишича Ўзбекистон туманидаги Пасткўрик қишлоғида туғилган 20 ёшли З.Т. жорий йил 22 июль куни Яйпан шаҳрида яшовчи 30 ёшли И.И.га турмушга чиққан. Марҳума тиббиёт коллежи талабаси бўлган, куёв эса автошоҳбекатда чек сотувчи бўлиб ишлайди.
Келинчак турмуш ўртоғи калтаклаётганини айтиб, оила аъзоларидан уни олиб кетишларини сўрагани айтилмоқда.
Яқинлари келинчакда калтакланиш аломати мавжудлигини ҳам қайд этган.
20 август куни Фарғона вилояти Ўзбекистон туманида 20 ёшли келинчак ўз жонига қасд қилди.