"Қазіргі кезде Конвенцияға сәйкес геноцид жасалып жатыр деп талап ететіндей нақты дәлелдер келтіре алмаймыз", - деді Мёсе.
Былтыр қыркүйек айында Мёсе "орыс сарбаздары Украинада әскери қылмыс жасап жатыр" деп мәлімдеген. Олардың арасында "өлім жазасына кесу, азаптау, сексуалдық зорлық-зомбылық, балаларға қарсы қылмыс" секілді оқиғалар болғаны айтылған.
18 қыркүйекте БҰҰ-ның Халықаралық соты Украинаның Ресейге қарсы шағымын қарайды.
2023 жылдың қаңтарында халықаралық Human Rights Watch құқық қорғау ұйымы Ресей армиясының Украина аумағында халықаралық заңдарды бұзғанын мәлімдеді.
Тамыз айының соңында БҰҰ-ның Жоғарғы комиссары басқармасы Ресей Украинаға басып кіргелі 9 мың 500 бейбіт тұрғынның қаза болғанын, 17 мыңнан астам адамның жараланғанын мәлімдеген. Қайтыс болғандардың арасында 549 бала бар. БҰҰ бұл тек құжат жүзінде анықталғаны ғана деген.
Біріккен Ұлттар Ұйымы (БҰҰ) орыс әскерінің Украинадағы іс-қимылын әзірге геноцид деп атай алмайды деп мәлімдеді БҰҰ-ның Украинадағы заң бұзушылықтар жөніндегі тәуелсіз комиссиясының мүшесі Эрик Мёсе.