Расмий хабарда айтилишича, икки нафар ўзбек мигрант 2023 йилнинг июнида "Старая Веселая" қишлоғидаги дала ҳовлида гулхан ёққан. Шамол гулхан учқунларини ўрмонга олиб кетган ва ёнғин бошланган. Ўрмоннинг 60 гектари ёниб кетган ва 1,8 миллион рубль миқдорида зарар етказилган.
Суд мигрантларни эхтиётсизлик натижасида ўрмонга ўт қўйишда айбдор деб топди. Судда мигрантлар ўз айбларига тўлиқ иқрор эканликларини айтганлар.
Айбдорларнинг ҳар бирига бир йилданга мажбурий ишларга жалб қилиниш жазоси тайинланди. Уларнинг иш ҳақларидан 15 фоизи давлат фойдасига ушлаб қолинади. Бундан ташқари улардан ёнғин натижасида келтирилган зарар ва ёнғинни ўчиришга сарфланган ҳаражат учун 6 миллион рубль ундириб олинди.
Магадан суди ўзбекистонлик икки мигрантни ўрмонга эҳтиётсизлик натижасида ўт қўйганликда айбдор деб топди. Мазкур ёнғин оқибатида шаҳарда фавқулодда вазият эълон қилинган эди. Бу ҳақда Магадан прокуратураси маълум қилди.