Истъефога сабаб Луис Рубиалес аёллар ўртасидаги жаҳон чемпионатида Испанияни ғалабага олиб келган голни урган Женни Эрмосни барча футбол ишқибозлари кўз ўнгида лабидан ўпгани бўлди. Бу воқеа жонли эфирга ҳам узатилган.
Футболчи қиз кейинроқ бу ҳодиса унга ёқмаганини айтган. Рубиалес эса энди унга уйланишини айтиб, ҳазилга ёйган.
Рубиалеснинг шилқимлигини кўплаб спортчилар, мутасаддилар ва касаба уюшмалар қоралаган. Испания аёллар футбол лигаси Рубиалес "уятли ҳатти-ҳаракати билан испан спорти тарихидаги энг буюк ютуқлардан бирига доғ туширганини" айтган. Лига ҳодисани мисли кўрилмаган халқаро шармандалик деб атади.
"Дунёнинг эътибори бизнинг аёл футболчиларимизга қаратилиши керак бўлган бир пайтда федерация президенти бутун эътиборини ўзининг эркаклигига тортди", дейилади лига баёнотида.
Луис Рубиалес ФИФА томонидан вақтинча ўз вазифасидан озод қилинди. ФИФА ҳам Рубиалес футболчи қизни ўпганидан сўнг ўз хизмат текширувини бошлаган.
Испаниянинг кўплаб сиёсатчилари ва жамоат арбоблари унинг истеъфосини талаб қилишган. Рубиалес “ўзаро розилик асосида” олинганлигини, ўзи эса "сохта феминизм" қурбонига айланганини иддао қилмоқда. Бироқ футболчи Женни Эрмос лабидан ўпишга рухсат бермаганини айтган ва полицияга мурожаат қилган.
Рубиалес энди жиноий жавобгарликка тортилиши мумкин. Испания прокуратураси ҳодисани жинсий зўравонлик сифатида малакаланиши борасида дастлабки терговни ўтказмоқда.