Қытай елшісі Кабулда өткен ресми кездесуде "Талибанның" премьер-министріне сенім грамотасын тапсырды. Дегенмен бұл Қытайдың тәліп үкіметін ресми мойындады дегенді білдіреді ме, әзірге белгісіз.
"Бұл қалыпты жағдай. Қытай елшісін тағайындау екі елдің диалогын және қарым-қатынасын дамытуға бағытталған. Қытайдың Ауғанстанға деген саяси қатынасы анық әрі дәйекті", - деп мәлімдеді Қытайдың сыртқы істер министрлігі.
2021 жылдың тамыз айында "Талибан" қозғалысы Ауғанстанды басып алғалы бері, бірде бір мемлекет оның билігін мойындаған емес.
"Талибан" қозғалысы көптеген елдерде террористік деп танылған.