У икки соатдан кейин қўйиб юборилган.
Аввалига, кўргазмада ускуналарни суратга олаётган мухбирдан ўзини таништирмаган бир аёл суратга олишни тўхтатишни сўраган. Кейинроқ ўзини капитан Жўлдошбек Иброҳимов деб таништирган полиция ходими ва фуқаролик кийимидаги Алмас исмли шахс кўргазмани суратга олиш мумкин эмаслигини айтиб, журналистик фаолиятга аралашди.
Журналист расмий гувоҳномасини кўрсатса ҳам, полиция фотомухбирни маҳаллий бўлинмага олиб кетган ва ҳеч қандай ҳужжат расмийлаштирилмасдан ёки ушлаб туришнинг сабабларини келтирилмасдан икки соат сўнгра қўйиб юборган.
Саноат ва қурилиш вазирлиги маълумотларига кўра, 25—27 сентябрь кунлари Остона шаҳрида INNOPROM.QAZAQSTAN халқаро саноат кўргазмаси бўлиб ўтади. Унда Қозоғистон Бош вазири Алихан Смаилов, Россия Бош вазири Михаил Мишустин, Беларус Бош вазири Роман Головченко, шунингдек, Қирғизистон Вазирлар Маҳкамаси раиси Оқилбек Жапаров иштирок этади.
Бу Озодлик мухбирларининг журналистик фаолиятига тўсқинлик қилинишининг биринчи мартаси эмас. Сентябрь бошида, Қосим-Жўмарт Тоқаевнинг Каскеленга ташрифи куни ўзини хавфсизлик хизматидан деб таништирган ходимлар Озодлик журналистларини ўтказиб юбормаган. Хусусан, ходимлар журналист Мейирим Бахитжонни университет атрофидаги кўприкдан мажбуран четга тушириб қўйган.
Бош вазирлар ташрифи кутилаётган INNOPROM.QAZAQSTAN кўргазмаси бошланишидан олдин Азаттик (Озодлик радиосининг қозоқ хизмати) мухбири Сания Тойкен ҳеч қандай тушунтиришсиз Есил тумани ички ишлар бўлимига олиб кетилди.