Кәсіпорыны жұмысы Өзбекстанда жөтелге қарсы осы шербетті ішкен ондаған бала өлімінен кейін тоқтап қалған.
Фармацевтикалық компания жөтелге қарсы шербет өндіретін үш үнді кәсіпорынының қатарына кіреді. «Док-1 Макс» шербетінен Өзбекстанда, Гамбия мен Камерунда 141 бала өлген. Уттар-Прадеш штаты өкілдерінің мәлімдеуінше, «компанияның басқа да өнімдерінде улы зат табылмаған, сол себепті өндірісті жалғастыруға рұқсат берілген».
Уттар-Прадеш штатындағы Marion зауыты биыл наурызда жабылған. Былтыр Өзбекстан денсаулық сақтау министрлігі компания өнімдерінен улы зат табылғанын хабарлаған.