Маълум қилинишича, 3 марта инфаркт билан оғриган кекса фуқаро танишларидан эчкиэмар (эчкиэмарлар “Қизил китоб”га киритилган) гўшти ва териси касалликка даво эканини эшитиб, ёввойи эчкиэмарларни овлашга тушган.
Фуқаро эчкиэмар овлаш учун даштга бориб, гала бўлиб ётган 14 бош ҳайвоннинг бошига уриб, уларни карахт қилиб уйига олиб келган. Кейинги сафар у 18 бош бўз эчкиэмарни овлаган.
Касалликка даво топиш илинжида овлаб келган эчкиэмарларни сўйиб, уларни пишириб еган.
У 32 бош эчкиэмарнинг 12 тасини сўйиб, гўшти ва терисини еган, қолган 20 тасини кейинчалик ейиш учун уйида боқиб келган.
Суд эркакка 3 йилга озодликдан чеклаш жазоси белгилаб, Экология вазирлиги фойдасига 141 млн 900 минг сўм ундиришни ҳукм чиқарди.
Қашқадарё вилоятида эчкиэмарларни тутиб, сўйиб еган 61 ёшли эркак 3 йилга озодликдан чекланди. Бу ҳақда маҳаллий ОАВлар хабар бермоқда.