Прокурор суддан рўйхатдан ўтмаган “Эл тиреги” партияси етакчиси Нуржан Алтаевга умрбод раҳбар лавозимларни эгаллаш ёки муайян фаолият билан шуғулланишни ман этиш ҳамда 12 йилга озодликдан маҳрум этишни сўради. Бу ҳақда Алтаевнинг адвокати Гулшат Дуйсенова хабар берди.
“Эл Тиреги” партиясини рўйхатдан ўтказмоқчи бўлган Қозоғистон парламентининг собиқ депутати Нуржан Алтаев шу йилнинг июнь ойидан бери ҳибсда сақланмоқда. Нуржан Алтаев "Атамекен" ННТ собиқ раҳбари Аблай Мирзахметов ишида гумонланувчи сифатида ушланган. Альтаев Мирзахметовга давлат буюртмаларини олишида "умумий ҳомийлик қилган"лиги айтилмоқда.
Ўтган ой охирида бошланган маҳкама ёпиқ эшиклар ортида ўтмоқда.
Алтаевнинг ўзи унга қўйилган айбловларни рад этади ва жиноят ишини “сиёсий буюртма” деб ҳисоблайди.
Нуржан Алтаев “Нур Отан” партиясидан парламент депутати бўлган. Кейинчалик у партиядан кетиб, 2020 йил охирида "Эл Тиреги" партиясини тузмоқчи бўлди.
“Эл Тиреги” партиясини рўйхатдан ўтказмоқчи бўлган Қозоғистон парламентининг собиқ депутати Нуржан Алтаев шу йилнинг июнь ойидан бери ҳибсда сақланмоқда.