Қозоғистоннинг Коррупцияга қарши кураш хизмати Нурсултон Назарбоевнинг жияни Қайрат Сотиболди мамлакатдан ноқонуний олиб чиқиб кетган 54 миллиард тенгедан ортиқ маблағ бюджетга қайтарилганини маълум қилди.
Умумий қиймати 120 миллион АҚШ долларига тенг бу маблағ давлатга етказилган зарарни қоплаш учун бюджетга туширилган.
Бир кун аввал Шарқий Қозоғистон вилояти суди Қайрат Сотиболдини колониядан шартли равишда озод этишни рад этган эди.
BES.media телеграм-каналининг хабар беришича, колониядаги интизомий жазолари деб Қайрат Сотиболдининг озодликдан маҳрум қилиш жазосини озодликни чеклаш билан алмаштириш ҳақидаги аризаси рад этилган.
Қайрат Сотиболди 2022 йил сентябрида олти йиллик қамоқ жазосига ҳукм қилинган эди. Шунингдек, унинг мол-мулки мусодара қилиниб, 10 йилга давлат лавозимларида ишлаш тақиқланган.
У “Транспорт сервис маркази” компаниясининг 28 миллиард тенгедан ортиқ маблағини ўзлаштириш ҳамда «Қозоқтелеком» компаниясига 12 миллиард тенгедан ортиқ моддий зарар етказишда айбдор деб топилган.
Аввалроқ собиқ президентнинг қудаси бўлмиш олигарх Қайрат Бўранбоев озодликка чиққан эди. Унинг ҳам шартли озод этилишидан аввал "олиб чиқиб кетилган активлар давлатга қайтарилганлиги" ҳақида хабар тарқалган эди.
Бу маблағ давлатга етказилган зарарни қоплаш учун бюджетга туширилган.