Аввалроқ Икромов сайловларда қатнашмаган фуқароларни жаримага тортишни таклиф қилган эди. Қайта ишланган қонун лойиҳаси Жўқорғу Кенеш сайтида эълон қилинган.
Икромов қонун лойиҳасини ишлаб чиқишда Европа давлатлари, Австралия, Бразилия ва Туркия тажрибасига таянган. Бу мамлакатларда, депутатнинг сўзларига кўра, узрсиз сабабларсиз сайловда овоз бермаган фуқароларни жавобгарликка тортиш амалиёти мавжуд ва “бу кўплаб сайловчиларнинг сайловда иштирок этишини таъминлайди”.
“Сайловда фуқароларнинг иштирок этмаслиги демократиянинг асосий принципининг бузилишига ва бюджет маблағлари исроф қилинишига сабаб бўлмоқда”, деб ҳисоблайди депутат.
Аввалроқ Икромов сайловга келмагани учун таҳминан 56 доллар миқдорида жарима солишни таклиф қилган эди. Ўша пайт Вазирлар Маҳкамаси бу таклиф Конституция ва халқаро нормаларга зид эканлигини айтиб, Икромовнинг таклифига қарши чиққан эди.