2023 йилнинг биринчи ярмида Тожикистонда 587 та ОИВ билан касалланиш ҳолатлари, жумладан болалар орасида ҳам расман қайд этилган.
Озоди радиоси тасарруфидаги Тожикистон ҳукуматининг БМТга тақдим этган ҳисоботида айтилишича, 2023 йил июнь ойи ҳолатига жами 11 минг 300 дан ортиқ одам ОИВ инфекцияси билан касалланган, шулардан 1,5 мингдан ортиғини болалар ва ўсмирлар ташкил этади.
Ҳисоботда 2020 йилгача беморларнинг 86 фоизи антиретровирус даволашни олган бўлса, 2023 йилда бу кўрсаткич анча ошганлиги қайд этилган.
Тожикистонда хавф гуруҳига инъекцион гиёҳванд моддаларни истеъмол қилувчилар, меҳнат муҳожирлари ва ҳимояланмаган жинсий алоқада бўлганлар киради. Аёллар кўпинча ОИВ инфекциясини меҳнат миграциясидан қайтган эрларидан юқтириб олмоқда. Шифокорларнинг айтишича, Тожикистонда ОИВ юқтирган ҳомиладор аёлларнинг 90 фоизи бу касалликни муҳожирликдан қайтган эрларидан юқтириб олган.
ОИВ билан касалланганларнинг энг кўпи, яъни 23 фоизи Душанбе шаҳрида аниқланган.
Шифокорларнинг таъкидлашича, антиретровирус терапияни ўз вақтида бошлаган ва барча кўрсатмаларига риоя қилган беморлар узоқ ва тўла қонли ҳаёт кечиришлари мумкин.
2023 йилнинг биринчи ярмида Тожикистонда 587 та ОИВ билан касалланиш ҳолатлари, жумладан болалар орасида ҳам расман қайд этилган.