«Мен янглишдим. Мен Настя Ивлееванинг туғилган кунига боряпман, деган аниқ ишончда эдим. Мени алдандим”,- деб айтган Марям Тиллаева ўз блогида.
Шу билан бир қаторда Тиллаева «тадбир жуда қизиқ бўлганини, лекин у ерда кўп қолмагани» билдирган.
Тиллаева бу тадбирни уюштирганларга ҳурмат билан муносабатда бўлишини, аммо ўзининг «диний ва ички ориентирлари» туфайли бу каби маросимларга кўникмаганини қайд этган.
Озодлик радиоси рус хизматининг ёзишича, Россия шоу бизнесининг қатор юлдузлари Настя Ивлеева 20 декабрда Москвадаги «Мутабор» клубида уюштирган мазкур парти ўзларига «маънавий зарар» етказгани юзасидан судга ариза киритган. Ариза кимлар номидан ёзилгани ва уни қанча киши имзолагани тўғрисида маълумот йўқ. Шоу бизнес юлдузлари Ивлеевадан “маънавий зарар”ни қоплаш учун бир миллиард доллар товон пули тўлашни талаб қилмоқда.
Хабарларда айтилишича, бу тадбир Playboy журналида эълон қилинмаган фотосуратлар кўргазмаси очилишига бағишланган эди. Бу кечага келганлардан “иложи борича камроқ кийим кийиш” талаб қилинган. Кечага келган юлдузларнинг аксарияти ярим яланғоч ҳолатда бўлган.
Бу тадбирдан олинган видеолар ижтимоий тармоқларлда тарқалганидан сўнг Москва расмийлари танқидига учраган.
Бу тадбирда иштирок этган қатор таниқли шахслар, жумладан, Филипп Киркоров ва Дима Билан кечирим сўрадилар.