Мазкур баённома 24 январь куни Туркия Буюк миллат мажлиси томонидан ратификация қилингани ҳақида Озодлик аввалроқ хабар қилган эди.
Швециянинг Шимолий альянсга аъзолиги Туркия томонидан маъқулланиши ортидан бу ишни амалга оширмаган ягона аъзо мамлакат Венгрия бўлиб қолмоқда.
Венгрия бош вазири Виктор Орбан швециялик ҳамкасби Ульф Кристерссонни мамлакатнинг НАТОга киришига оид масалани муҳокама қилиш учун таклиф қилганини билдирган. Ўз навбатида, Кристерссон Орбанга кейинги ҳафтада Брюсселда учрашишни таклиф қилган. Айни пайтда Швеция бош вазири “ҳар икки сиёсатчига қулай вақтда” Будапентга сафар қилиш таклифидан ҳам бош тортган эмас.
Швеция НАТОга аъзо бўлиш учун 2022 йилнинг май ойида ариза берган. Бу қадамга Стокҳолмни ўтган йил февраль ойида Россия қўшинларининг Украинага бостириб киргани ундагани айтилган. Швеция билан бир вақтда Финляндия ҳам НАТОга аъзо бўлиш учун ариза топширган эди. Шимолий альянсга аъзо бўлиш учун номзод мамлакатнинг аризаси НАТОга аъзо 31 та давлатнинг барчаси тарафидан маъқулланиши лозим. Финляндия бундай маъқулловга 2023 йилнинг апрель ойида эришган.