Маълумотларга кўра, Пиньера вертолётни ўзи бошқариб кетаётган бўлган. Robinson R66 вертолёти парвозидан кўп ўтмай кўлга қулаган. Вертолёт бортида собиқ президентдан ташқари яна уч киши бўлган, уларнинг ҳаммаси қутқарилган. Пиньера эса вертолётдан чиқа олмаган ва дастлабки маълумотларга қараганда, чўкиб ўлган. Reuters агентлиги хабарига кўра, вертолёт айни пайтда тақрибан 40 метр чуқурликда ётибди.
Авиаҳалокат сабаби очиқлаганича йўқ.Чилининг 24 Horas канали ҳодисадан аввалроқ сиёсатчи учувчи лицензиясини янгилаганини хабар қилган. Вертолёт қулашидан аввал ёмғир ёғаётган ва туман тушган бўлган, бу эса кўриш имкониятини чеклаган.
74 ёшли Пиньера ўтган асрнинг 90-йилларидан сиёсатга актив киришган тадбиркор ва инвестор эди. 2010 йилда у Аугусто Пиночет истеъфосидан кейин Чилининг ўнг қарашдаги биринчи президентига айланган эди. Пиньера 2010 ва 2018 йилларда икки марта тўрт йилданга президент этиб сайланган. Forbes журнали унинг бойлигини 2,7 миллиард долларга баҳолаган.