Олмааота суди "НД" (“Не Дейди”) Youtube каналининг муаллифи Думан Муҳаммадкарим ишини ёпиқ тарзда кўриб чиқмоқда.
Суд жараёни ёпиқ тарзда ўтишини прокурор сўраган эди.
Думан Муҳаммадкарим экстремизмни молиялаштириш ва тақиқланган ташкилот фаолиятида иштирок этишда айбланмоқда.
Унинг адвокатлари судьяга ишончсизлик билдирган. Журналистнинг ўзи унга иш материаллари билан танишиб чиқиш учун 15 кун муҳлат беришни ҳамда уй қамоғи тарзидаги эҳтиёт чорасини қўллашни сўраган. Бу илтимоси суд томонидан рад этилди.
Youtube платформасида "НД" (“Не Дейди”) каналининг муаллифи июнь ойидан бери изоляторда сақланмоқда. Таъқибга журналист қувғиндаги собиқ банкир ва мухолифатчи Мухтор Аблязовдан олган интервьюси сабаб бўлган.
Журналистнинг яқинлари ва ҳамкасблари тергов ҳибсхонасида бир неча бор очлик эълон қилган Муҳаммадкаримнинг соғлиғидан хавотирда.
Муҳаммадкаримнинг ҳибсга олиниши турли журналистлар уюшмалари ҳамда инсон ҳуқуқ ташкилотлари қоралаган. Ҳуқуқбонлар уни Қозоғистондаги “сиёсий маҳбуслар” рўйхатига киритган.