Статистика агентлигининг 14 февраль куни маълум қилишича, Тожикистон ўтган йили 110 миллион долларлик электр энергиясини экспорт қилган, бу 2022 йилга нисбатан 4 фоизга кўп. Агентлик раҳбари Жамшид Нурмахмадзоданинг айтишича, электр энергия асосан Афғонистон, Ўзбекистон ва Қозоғистонга сотилган.
“Барки Тожик” энергетика холдингининг бир кун аввал ошкор қилган маълумотларга кўра, Тожикистондан хорижга 2,6 миллиард кВт/соат электр энергияси сотилган. Шундан 1,6 миллиарди Афғонистонга, қолгани Ўзбекистон ва Қозоғистонга экспорт қилинган.
Статистика агентлиги раҳбарининг қўшимча қилишича, Тожикистон ўтган йили Ўзбекистон ва Қирғизистондан 18,6 миллион кВт/соат электр энергиясини импорт қилган.
Тожикистон электр энергиясини хорижга экспорт қилаётгани ҳақидаги маълумотлар жамиятда доимо норозилик уйғотади. Жамоатчиликнинг фикрича, элект энергия билан биринчи навбатда фуқаролар таъминланиши лозим. Ҳукумат эса фақатгина ортиб қолаётган электр энергиясини ва фақатгина ёз мавсумида хорижга сотаётганини таъкидламоқда.
Куздан мамлакатнинг аксар ҳудудларида электр энергиясига чеклов қайта киритилганди. Тожикистон энергетика ва сув ресурслари вазири аҳолига электр энергия чекланган миқдорда етказилаётганини мамлакатда юқори иқтисодий ўсиш кузатилаётгани билан изоҳлаган.
Куздан мамлакатнинг аксар ҳудудларида электр энергиясига чеклов қайта киритилганди. Тожикистон энергетика ва сув ресурслари вазири аҳолига электр энергия чекланган миқдорда етказилаётганини мамлакатда юқори иқтисодий ўсиш кузатилаётгани билан изоҳлаган.