Ссылки доступа

“Қозоғистон- катта қамоқ” перформанси учун судланган фаол озод этилди


2022 йил январь воқеалари пайтида Казиев бир неча ҳамфикрлари билан Олмаота вилоятининг Каскелен шаҳрида сиёсий перформанс уюштирган эди.

15 февраль куни олмаоталик фаол Эркин Казиев Остона яқинидаги 3-сон жазони ижро этиш колониясидан озод этилди. У муддатидан аввал озод этилгани айтилмоқда.

Казиев ўтган йилнинг апрель ойида ҳокимият вакилининг қонуний талабларини бажармасликда айбланиб икки йил манзил-колонияга ҳукм қилган эди. Унинг ўзи бу айбловларни "сиёсий" деб атаган.

2022 йил январь воқеалари пайтида Казиев бир неча ҳамфикрлари билан Олмаота вилоятининг Каскелен шаҳрида сиёсий перформанс уюштирган эди. Улар қўлбола ғилдиракли катак ясаб, икки фаол ўзини унга занжирбанд қилган. Қолган фаоллар “Жанаўзенни қўллаб-қувватлаймиз!”, “Сиёсий маҳбусларга озодлик!” каби шиорларни айтиб катакни маҳаллий ҳокимликкача итариб борган. Ижтимоий тармоқларда трансляция қилинган бу акцияни улар “Қозоғистон- катта қамоқ” деб номлаган. Фаоллар ўша куниёқ ҳибсга олиниб, бироздан сўнг қўйиб юборилган. Турли намойишларда қатнашиб, "сиёсий маҳбусларни озод этиш" ва мамлакатда сиёсий таъқибларни тўхтатишни талаб қилиб юрган Казиев кейинчалик, 2022 йил октябрда қайта ҳибсга олинган.

Эркин Казиев қозоғистонлик ҳуқуқбонлар тузган сиёсий маҳбуслар рўйхатига киритилган.

XS
SM
MD
LG