Миллий хавфсизлик давлат қўмитаси раиси Қамчибек Ташиев Қирғизистон футбол иттифоқига (ҚФИ) раҳбарлик қилади. ҚФИнинг 19 февраль куни Бишкекда бўлиб ўтган навбатдан ташқари конргрессида Ташиев бир овоздан 2026 йилгача иттифоқ президенти этиб сайланди.
Қамчибек Ташиев ҚФИнинг янги президенти сифатида биринчи навбатда кадрлар, жумладан, мураббийлар, ҳакамлар ва бошқа футбол мутахассислари билан боғлиқ муаммоларни ҳал қилишги киришишини маълум қилган. У, шунингдек, Бишкекда икки йилда янги стадион қурилишини айтган.
Ҳозирда Ташиев иккита лавозимни эгаллайди. У 2020 йилдан буён Миллий хавфсизлик давлат қўмитасини бошқариб келмоқда ҳамда 2021 йилдан Бош вазир ўринбосари сифатида фаолият юритмоқдадир.
Аввалроқ, президент Садир Жапаров Миллий хавфсизлик давлат қўмитаси раисига ҚФИга раҳбарликни таклиф қилган эди. Жапаровнинг фикрича, ҚФИга қаттиқ назоратни амалга ошира оладиган шахс етакчилик қилмаса, футболда жўяли натижага эришиш қийин бўлади.
Аввалроқ Қирғизистон футбол ташкилоти президенти Медербек Сидиқов истеъфога берган эди. Истеъфога асосий сабаб сифатида Қирғизистон терма жамоасининг Қатарда бўлиб ўтган Осиё Кубогида мағлуб бўлгани айтилмоқда.
Қирғизистон миллий терма жамоаси Қатарда бўлиб ўтаётган Осиё кубогида Таиланд, Саудия Арабистони ва Уммонга қарши учта ўйинда атиги битта гол уришга муваффақ бўлган.
Қирғизистон миллий терма жамоаси Қатарда бўлиб ўтаётган Осиё кубогида Таиланд, Саудия Арабистони ва Уммонга қарши учта ўйинда атиги битта гол уришга муваффақ бўлган.