"Майкаинзолото" компаниясининг қайта ишлаш заводи ўз фаолиятини 1 апрелга қадар тўхтатмоқда, деб хабар беради маҳаллий ОАВ.
Ишчилар, маошининг 50 фоизи сақланган ҳолда, таътилга чиқартирилмоқда.
Аввалроқ "Майкаинзолото" кони ҳудудида ФВВнинг тўрт нафар қутқарувчиси кетаётган автобус чуқурлиги тахминан 200 метр ва кенглиги 500 метр бўлган кратерга тушиб кетган эди. Икки қутқарувчининг жасади шу куниёқ топилган. Яна икки кишининг жасади ҳозиргача топилмаган.
ФВВ маълум қилишича, одам ташиётган автобус шахтага қуллаши Қозоғистонда илк бор содир бўлган.
"Майкаинзолото" конининг акцияларининг 100 фоизи эгаси сербиялик Милан Поповичга бўлмиш Rence Enterprises ширкатига тегишлидир. Ширкат пирит-полиметалл рудаларини қазиб олиш ва қайта ишлаш билан шуғулланади. "Майкаинзолото"да 933 киши фаолият юритар эди. Фожиадан кўп ўтмай, конларда ишлаб чиқариш тўхтатилган. 185 ишчи, асосан кончилар ишсиз қолган. Кон қошидаги завод бир неча ҳафта эски хомашё захираларида ишлаб турган, бироқ улар ҳам тугагач завод ҳам вақтинча ёпилмоқда.