Александр Лукашенко Беларусда 2025 йилда бўлиб ўтадиган президентлик сайловларида иштирок этишини айтди. Бу унинг саккизинчи президентлик муддати бўлади.
"Сайловда қатнашаман, қатнашмайман. Уларга айтиб қўйинг, мен қатнашаман!" деган Лукашенко бўлажак сайловларда иштирок этиши эҳтимоли ҳақидаги саволга жавобан. "Улар" деганда у хориждаги беларус мухолифатини назарда тутган.
Лукашенко якшанба куни Беларус парламентининг қуйи палатасига сайловда овоз берган эди.
Мухолифат етакчиси Светлана Тихановская бу сайловларни бойкот қилишга чақирган. Озодлик радиосининг беларус хизмати қайд этишича, сайлов кампанияси кенг кўламли репрессиялар фонида ўтмоқда. Сайловда Лукашенкога мухолиф номзод ёки мустақил кузатувчилар иштирок этмаган.
Бу йил Лукашенко президентлик сайловларида илк бор ғалаба қозонганига 30 йил бўлди. Лукашенконинг ўзи 70 ёшда.
АҚШ ва қатор давлатлар расмий Минск билан дипломатик алоқаларни сақлаётган бўлсада, 2020 йилдаги сохталаштирилган сайловларда ғолиб бўлган Лукашенкони легитим президент сифатида тан олмайди.
Бу унинг саккизинчи президентлик муддати бўлади.