Ссылки доступа

АҚШ яна бир қирғиз ширкатига қарши санкция киритди


Россияга қарши 500 та янги санкция жорий этилган ва «Россия ҳарбий машинаси»ни қўллаб-қувватловчи 100 га яқин ташкилотга янги экспорт чекловлари киритилган. 

Оқ уй Украинадаги уруш ва Алексей Навалнийнинг ўлими туфайли Россияга қарши 500 та янги санкция жорий этилганини эълон қилди.

Чекловлар Россия молия сектори, ҳарбий-саноат комплекси, харидлар тармоғи иштирокчилари, санкциялардан бўйин товлаганлар ва Навалнийнинг қамоққа олиниши учун жавобгар бўлганларга қаратилган.

Жумладан, рўйхатда Қирғизистоннинг "УКОН" ширкати ҳам бор. Ширкат 2022 йилнинг августида давлат рўйхатидан ўтган, унинг раҳбари Гафар-заде Мехти Фикрет оглу ҳисобланади.

Бу санкцияларга тортилган илк қирғиз ширкати эмас. Россия мудофаа саноати эҳтиёжлари учун электроника ва бошқа маҳсулотлар етказиб берган Қирғизистоннинг олтита компанияси 2023 йилда АҚШ санкциясига дучор бўлган эди.

Янги санкциялар рўйхатига жами 90 та корхона ва ташкилот, 500 га яқин жисмоний шахс киритилган.

Бундан ташқари, «Россия ҳарбий машинаси»ни қўллаб-қувватловчи 100 га яқин ташкилотга янги экспорт чекловлари киритилган.

XS
SM
MD
LG