Расман билдирилишича, у жиноят ишлари бўйича Нишон туман судининг 21 февралдаги қарори билан Маъмурий жавобгарлик тўғрисидаги кодекснинг 183-моддаси (Майда безорилик) ва 184−3-моддаси (Миллий, ирқий, этник ёки диний адоватни тарғиб қилувчи материалларни тайёрлаш, сақлаш ёки тарқатиш) асосида айбдор деб топилган.
Билдирувда қайд этилишича, 26 ёшли Сардор Сафарбоев вақтинча ишсиз бўлган. Унга юқоридаги айбловлар асосида 10 сутка маъмурий қамоқ жазоси тайинланган.
23 февралда Қашқадарё вилоят судининг жиноят ишлари бўйича судлов ҳайъати Сафарбоевнинг шикоятини апелляция тартибида кўриб чиқди ва биринчи инстанция судининг қарорини ўзгартиришсиз қолдирди.
Шу йилнинг 29 январида жиноят ишлари бўйича Нишон тумани суди 49 ёшли наманганлик блогер Абдулҳаким Абжалиловни Жиноят кодексининг 165-моддаси (Товламачилик) 2-қисми «а», «в» бандлари асосида айбдор деб топган ва 5 йилга қамаган эди.