Бұған дейін 11 жылға сотталған экс-министр енді «Дипломат» қонақ үйіне жасалған рейдерлік ісі бойынша кінәлі, «Алтын адам шеруі» көрмесіне бөлінген бюджет ақшасын жеп қойды деп танылды.
Алайда Мұхамедиұлының 11 жылдық жаза мерзімі өзгеріссіз қалған. Астана қалалық соты баспасөз қызметінің түсіндіруінше, түпкілікті жаза белгіленерде ол кінәлі деп танылған қылмыстардың жалпы жиынтығына мән берілген.
2023 жылғы шілдеде бұрынғы мәдениет министрі бюджет қаражаты жымқырғаны үшін сегіз жылға сотталған. Биыл 13 ақпанда экс-министрге тағы бір жаза белгіленді. Бұл жолы Мұхамедиұлы аса ірі көлемде пара беруге итермеледі деп танылып, оның жалпы жазасы 11 жыл деп белгіленді.
Арыстанбек Мұхамедиұлы 2014-2019 жылдар аралығында мәдениет және спорт министрі қызметін атқарған.