Бұның алдында, 3 наурызда Il Messaggero италиялық газеті де осы оқиға туралы жазған.
Оқиға 2023 жылы 5 тамызға қараған түні Кьянчано-Термеде Италия семсерлесу федерациясы (FIS) ұйымдастырған жаттығу жиыны кезінде болған.
Radiotelevisione Italiana мәліметінше, жәбірленуші тергеушілерге сол күні ретритке қатысушыларға арналған кешке қатысқанын айтқан. Семсерлесуші қыз кеште бірдеңе ішкен, содан кейін бөлмеде үш жігітпен бірге оянған. Қыз мұнда қалай тап болғанын есіне түсіре алмаған. Бөлмеден қашып шықпақ болғанда денесі қатты ауырғанын сезген. Өз бөлмесіне келіп, көрші құрбысына болған оқиғаны айтып берген. Қыздың денесінде көгерген іздер, жарақаттар қалған. Құрбысы қыздың анасына хабарласып, ол қызын жедел көмек қызметіне жеткізіп, зорлық оқиғасы туралы полицияға хабарлаған.
Күдіктілердің екеуі тергеуде, ал үшіншісінің ісін кәмелет жасқа толмағандардың ісі жөніндегі прокуратура қарап жатыр. Үш жігіт тағылған айыптарды жоққа шығарған.
Өзбекстан семсерлесу федерациясы 2023 жылғы тамызда құрама мүшелері Италияда емес, Қытайда Дүниежүзілік универсиадада жүрген деп хабарлады.
«Өзбек семсерлесушілері әлемдік рейтингте алда келе жатқан уақытта, бұл Италия семсерлесу федерациясының басшылығы әдейі дайындаған жалған ақпарат» деп хабарлады өзбек федерациясы.