Дубай (БАА) шаҳрида марҳум ўғрибоши Қамчининг яқин одамларидан бири бўлмиш Таалайбек Рисалиев қўлга олинди. Бу ҳақда Қирғизистон Миллий хавфсизлик давлат қўмитаси хабар берди.
Халқаро қидирувда бўлган Рисалиев 21 февраль куни Интерпол бюросининг Миллий маркази билан ҳамкорликда қўлга олинган.
Жиноят оламида "Моби" лақаби билан танилган Рисалиев ўғрибоши Қамчи Асанбекнинг (Колбоев) уюшган жиноий гуруҳининг фаол аъзоси бўлган. У асосан Россиядаги қирғиз муҳожир ва тадбиркорлардан ўлпон йиғиш билан шуғулланган.
“Рисалиев Қамчига яқин одам сифатида, унинг нуфузидан фойдаланиб, ноқонуний даромад топиб юрган. У одамларнинг шахсий мулкини ва пулини тортиб олиш каби оғир жиноятлар содир этган”, дейилади МХДҚ хабарида.
Ҳозирда "Моби" Қирғизистонга экстрадиция қилиниши кутилмоқда.
Ҳозирда "Моби" Қирғизистонга экстрадиция қилиниши кутилмоқда.