Ғиссорнинг Турушбоғ қишлоғида 5 мартга ўтар кечаси ис газидан заҳарланиб уч киши ҳалок бўлди. Тожикистон Фавқулодда вазиятлар қўмитаси маълум қилишича, ис газидан бир оиланинг уч аъзоси ҳалок бўлган.
Совуқ мавсумда қишлоқ аҳолиси уйини ўтин ва кўмир билан иситади. Баъзида бунда хавфсизлик қоидаларига риоя қилинмайди. Шу кунларда ҳаво совуқ бўлишига қарамай, Тожикистонда электр таъминотида қатор узилишлар кузатилмоқда. Одамлар бундай вазиятда ҳар қандай йўл билан уйини иситишдан бошқа чораси қолмаганини айтмоқда.
Натижада, ис газидан заҳарланиш воқеалари кўпайган. Масалан, 27 февралга ўтар кечаси пойтахт туманларининг бирида олти кишилик оила ис газидан заҳарланиб ҳалок бўлгани маълум бўлди.
Электр энергия танқислиги тожикларнинг куз-қиш давридаги асосий муаммоларидан биридир. Аввал бу муаммо асосан олис қишлоқ аҳолисини қийнаган бўлса, бу йилдан элект энергиясига чекловлар Душанбеда ҳам жорий этилган.
Тожикистон улкан сув ресурсларига эга, бироқ аҳолини электр энергияси билан узлуксиз таъминлаш муаммоси ҳалигача ҳал қилинмаган.
Шу кунларда ҳаво совуқ бўлишига қарамай, Тожикистонда электр таъминотида қатор узилишлар кузатилмоқда. Одамлар бундай вазиятда ҳар қандай йўл билан уйини иситишдан бошқа чораси қолмаганини айтмоқда.