5 март куни Жанаўзен ҳокимлиги олдида муносиб иш талаб қилиб очлик эълон қилган ўнлаб ишсизлар ҳибсга олинди. Уларнинг устидан суд 6 март куни Оқтауда бўлиб ўтди.
“Ҳозиргина суддан чиққан бир танишим билан гаплашдим. Унга 110 минг тенге жарима белгиланган, ишсиз бўлгани учун жарима миқдори 30 фоизга камайтирилган. Очлик эълон қилган 15 нафар йигит Оқтауга олиб кетилмоқда. 30 нафар йигит жаримага тортилди”, дейди маҳаллий фаол Эсберди Арсалий Озодлик радиоси билан суҳбатда.
Жанаўзен ҳокимияти очлик эълон қилган одамлар ҳибсга олинганини тасдиқлади, бироқ уларга нисбатан куч қўлланганини инкор этди. Ҳокимлик баёнотида айтилишича, очликни 23 киши эълон қилган. Улар полиция бўлинмасига олиб кетилган. Улар билан олиб борилган профилактик суҳбатдан сўнг, ишсизлар ҳокимлик “ноқонуний ҳаракатлар” деб атаган очарчиликни тўхтатгани айтилмоқда.
Улар муносиб иш берилишини талаб қилган эди.