Қайд этилишича, суд Солихон Ортиқхўжаевнинг Ўзбекистон Маъмурий жавобгарлик тўғрисидаги кодексининг 183-моддаси (майда безорилик) ва 194-моддаси (Ички ишлар органлари ходимининг қонуний талабларини бажармаслик) 1-қисмида назарда тутилган ҳуқуқбузарликларни содир этганига қаноат ҳосил қилган.
Ижтимоий тармоқлардаги кескин чиқишлари туфайли Солихон Ортиқхўжаев аввал ҳам Ўзбекистон мусулмонлари идораси томонидан бир неча бор огоҳлантирилган, 2022 йилнинг январь ойида эса Тошкент вилояти Зангиота туманидаги “Фатҳ” жоме масжидининг имом ноиби вазифасидан бўшатилган эди.