Қозоғистон Мудофаа вазирлиги 7 май — Ватан ҳимоячилари кунига ҳамда 9 май — Иккинчи жаҳон урушида ғалабага эришилган кунга бағишлаб ҳарбий парад ўтказмаслигини маълум қилди.
«2024 йилда Қозоғистонда бюджет маблағларини тежаш ҳамда бошқа бирламчи вазифалар кўзда тутилгани боис ҳарбий парад ўтказилиши режалаштирилмаган», — дейилади вазирлик хабарида.
Бирламчи вазифалар қаторида вазирлик қўшинларнинг жанговор шайлигини таъминлашни айтиб ўтган.
Қозоғистонда 7 май давлат Қуролли кучларининг ташкил топган куни сифатида нишонланади.
Қозоғистонда 2019 йилдан буён 7 май санасида ҳарбий парад, пандемия бошланганидан буён эса 9 май байрами ўтказилмаган. Ҳар гал сабаб сифатида бюджет маблағларини тежаш ҳамда бошқа бирламчи вазифалар кўзда тутилгани кўрсатилган.
Сабаб сифатида бюджет маблағларини тежаш ҳамда бошқа бирламчи вазифалар кўзда тутилгани кўрсатилган.