Тожикистонда терактга ҳозирлик кўраётган 20 га яқин киши қўлга олинганлиги ҳақидаги хабарлар "фитна чиқариш учун тарқатилмоқда". Миллий хавфсизлик давлат қўмитасининг матбуот хизмати мустақил ОАВ аввалроқ тарқатган хабарни ҳақиқатга тўғри келмаслигини айтмоқда.
Аввалроқ "Азия-Плюс" нашри ва Reuters агентлиги ўз манбаларига асосланиб, Наврўз байрам тадбирлари чоғида теракт уюштиришга уринишда гумонланган 20 га яқин киши қўлга олинганлигини маълум қилган эди. Озоди радиосининг ҳуқуқ-тартибот органларидаги манбалари ҳам буни тасдиқлаган. Уларнинг айтишича, Наврўз арафасида қўлга олинганларнинг барчаси Вахдат, Роғун ва Нурек шаҳри аҳолиси вакилларидан, улар Душанбега олиб кетилган.
“Гуруҳнинг мақсади Наврўз байрами муносабати билан Душанбеда бўлиб ўтаётган оммавий тадбирларда имкон қадар кўпроқ қурбонларни кўзлаган теракт уюштириш эди”, деган манба.
Гумонланувчилар ҳақида батафсил маълумот берилмаган, бироқ Озоди радиосининг бошқа бир манбаси улар ичида вояга етмаганлар ҳам борлигини айтмоқда.
Миллий хавфсизлик давлат қўмитасининг матбуот хизмати мустақил ОАВ аввалроқ тарқатган хабарни ҳақиқатга тўғри келмаслигини айтмоқда.