Ссылки доступа

Душанбе "теракт жасамақ болған адамдар ұсталды" деген ақпаратты теріске шығарды


Тәжікстанның Ұлттық қауіпсіздік комитеті Наурыз мейрамы қарсаңында теракт жасамақ болған бір топ адам ұсталды деген ақпаратты теріске шығарды.

29 наурызда "Азия-Плюс" медиа тобы және Reuters агенттігі дереккөзіне сілтеме жасап, "Крокустағы" теракт бойынша айыпталушылармен байланысы болған деген күдікпен 9 адам ұсталғанын мәлімдеген. Озоди радиосы болса дереккөзіне сілтеме жасап, 20-ға жуық адам ұсталды деп хабарлаған.

Тәжік билігі бұл жаңалықтарға бірден пікір білдірмеді. Бірақ 3 сәуірде жасаған мәлімдемесінде "шындыққа сәйкес келмейді" деді.

Озоди радиосының Тәжікстандағы қауіпсіздік органдарындағы дереккөзге сәйкес, ұсталғандардың арасында Вахдат, Рогун және Нүрек қалаларының тұрғындары болған. Олардың бәрі Наурыз мерекесі алдында ұсталған.

XS
SM
MD
LG