Қозоғистоннинг Жазқазғон шаҳрида жойлашган 62-сонли жазони ижро этиш муассасасинг 11 ходими маҳбусларни мунтазам қийноққа солиб келган. Бу ҳақда Қозоғистон Бош прокуратураси маълум қилди.
ЖИЭМ ва қўриқлаш хизматининг 11 нафар ходими “ушбу муассасада жазони ўтаётган маҳкумларни камситиш мақсадида мунтазам қийноқлар қўллаб келган", дейилади прокуратура баёнотида. Улар вақтинча эгаллаб турган лавозимидан четлаштирилган ҳамда уларга нисбатан эҳтиёт чораси танланган (айнан қандай чора қўллангани очиқланмаган).
Турли ҳисоботларга кўра, Қозоғистонда гумонланувчи ва маҳкумларга нисбатан қийноқлар кенг қўлланилади. Бу қийноқлар одатда жазосиз қолади, жуда кам ҳолатлардагина қийноқлар бўйича ишлар судгача етиб боради.
Прокуратура Жазқазғондаги колония ходимлари маҳбусларни мунтазам қийноққа солганини маълум қилди
Қозоғистонда қийноқлар одатда жазосиз қолади, жуда кам ҳолатлардагина бу жиноят бўйича ишлар судгача етиб боради.