Ссылки доступа

Қозоғистонда хитойшунос Константин Сироежкин озодликка чиқди


Сироежкин махфий ҳужжатларни Хитойга сотганликда айбдор деб топилган эди.

2019 йилдан бери Қозоғистонда ўн йиллик қамоқ жазосини ўтаётган хитойшунос Константин Сироежкин муддатидан илгари озод этилди.

Бу ҳақда сиёсатшунос Антон Морозов 4 апрель куни маълум қилди .

Константин Сироежкин беш йилдан кўпроқ қамоқда ўтирди.

Константин Сироежкин 2019 йилнинг февралида ҳибсга олинган. У давлатга хиёнатда айбланган ва 10 йилга озодликдан маҳрум қилинган. Суд уни шунингдек Қозоғистон фуқаролигидан маҳрум этишга қарор қилган, бироқ бу жазо апелляция судида бекор қилинган.

The Wall Street Journal ўз манбаларига таяниб ёзишича, "Сироежкин махфий ҳужжатларни Хитойга сотган бўлиши мумкин". Хитой расмийлари Сироежкин ишини “уйдирма янгилик” деб таърифлаган. Нашр Қосим-Жомарт Тоқаевнинг бош вазирлик даврида Сироежкин унинг Хитой масалалари бўйича маслаҳатчиси бўлганлигига эътибор қаратган.

67 ёшли Константин Сироэжкин СССР КГБ Олий мактабини тамомлаган ва Хитой бўйича етакчи мутахассислардан бири ҳисобланади. У рус, инглиз ва хитой тилларида 1000 дан ортиқ мақола чоп этган. 2006 йилдан Сироежкин Қозоғистон президенти ҳузуридаги Стратегик тадқиқотлар институтида бош илмий ходим бўлиб ишлаган.

XS
SM
MD
LG