Давлатов қазір заңсыз жүрген мигранттарды ұстау орталығында. Оның адвокаты Игнотас Унгайла сот шешіміне қарсы шағым түсіретінін мәлімдеді.
"Давлатовтың іс-әрекетінен қылмыстық белгілер көрген жоқпын", - деген адвокат "Литваның ұлттық қауіпсіздігінде үрей болғандықтан іске, жасырын грифи қойылғанын растады".
8 сәуірде оппозициялық тағы бір тәжік белсендісі Шарофиддин Гадоев Озоди радиосына Давлатовпен болған әңгімелерінің видеосын жіберген. Онда Давлатов литва арнайы қызметінің бірге жұмыс істеу ұсынысынан бас тартқаннан кейін ұсталғанын айтқан.
"Бірнеше ай бұрын бір кісі маған телефон соғып, "бізбен жұмыс істейсің бе?" деп сұраған. Мен бас тарттым. Ол 5 сәуірде қайта телефон шалды. Мен дүкен, наубайхана, мейрамхана кәсібім бар екенін, уақытым жоқ екенін айттым. Оның қашан кездесе аламыз дегеніне ораза айы біткенненк ейін дегем. Бірақ жұма намаздан шығып, мейрамханаға келгенімде, мені маска киген екі адам ұстап әкетті", - деген Давлатов.
Гадоев Давлатовты босатуға әрекет етіп, халықаралық ұйымдардан көмек сұрайтынын мәлімдеді.
40 жастағы Сулаймон Давлатов осыған дейін Тәжікстанда тыйым салынған "Группа 24" қозғалысы мен "Тәжікстанның конструктивті күштерінің конгрессіне" мүше болған.
Соңғы тоғыз жылдан бері Вильнюс қаласында тұрып келеді. Таныстарының айтуынша, Литвада оның мейрамханасы, дүкені және наубайханасы бар. Үш баланың әкесі.