Бишкекда юк ташувчилар иш ташлади. Намойишда ўз юк машиналари билан қатнашаётган 300 га яқин ҳайдовчи Транспорт вазирлигидан юк оғирлигига қўйиладиган талабларни ўзгартиришни талаб қилмоқда.
Воқеани ёритаётган Озодлик радиосининг қирғиз хизмати хабар беришича, ҳайдовчилар талаблари бажарилмагунча ишга чиқмасликларини айтмоқда.
“Юкнинг оғирлигини шаҳарнинг исталган жойида текширишмоқда, жарималар солавериб одамни қийнаб юборишди. Устига устак, ҳокимлик ҳам кундузи ишламасликни буюрган”, дейди ҳайдовчилар.
Бишкек ҳокимлиги 5 апрелдан бошлаб шаҳарда оғир юк ташишни чеклаган. Ҳозирда оғирлиги 18 тоннадан ортиқ бўлган автотранспорт соат 7:00 дан 21:00 гача шаҳарда ҳаракатланиши тақиқланган. Ушбу чеклов 1 октябргача амал қилади.
Ҳокимлик ушбу талабни бузган ҳайдовчилар жаримага тортилишини маълум қилган.
Бишкек ҳокимлиги 5 апрелдан бошлаб шаҳарда оғир юк ташишни чеклаган эди.