"Қазіргі күндері жеке бас қауіпсіздігіне қауіп төніп тұрған жағдайда, тұратын жеріңізден ешқайда кетпеуіңізді сұраймын", - деп айтылады елшілік мәлімдемесінде.
Иран жексенбіге қараған түні Израильге дрондар және зымырандармен шабуыл жасады.
Иран Израильге қарай жүздеген камикадзе-дрондарын ұшырды. Бұл туралы Израильдің қорғаныс күші – ЦАХАЛ мәлімдеді. Дрондар бірнеше толқынмен ұшырылған. Кейін қанатты және баллистикалық зымырандар қолданылғаны хабарланды.
Израиль премьер-министрі Биньямин Нетаньяху сенбі күні үндеу жасап, Иранның шабуылына дайын екенін жеткізген. Ол Израиль тұрғындарын ішкі күштің бұйрықтарын орындауға шақырып, егер Иран Израильге шабуыл жасаса, оның салдары болатынын ескерткен.