Самарқанд вилояти Тойлоқ туманидаги каналдан икки боланинг жасади топилди. Бу ҳақда Бош прокуратура матбуот хизмати маълум қилди.
Қайд этилишича, Ургут туманида яшовчи фуқаро 15 апрель куни вилояти ИИБга мурожаат қилган. Унда келини 2 нафар фарзанди — 4 ёшли қизи ва 1 ёшли ўғли билан ўша куни соат 15:00 атрофида уйидан номаълум томонга чиқиб кетганини маълум қилган.
16 апрель куни «Дарғом» каналининг Тойлоқ туманидан оқиб ўтувчи қисмида вояга етмаган болаларнинг мурдаси топилган. 24 ёшли аёлни мурдаси ҳам бир неча соатдан сўнг топилди. Жиноят сабаблари ўрганмоқда.
Ҳолат юзасидан Тойлоқ туман прокуратураси томонидан Жиноят кодексининг 97-моддаси (Қасддан одам ўлдириш) 2-қисми «а» банди билан жиноят иши қўзғатилган.