Бұл туралы The Washington Post басылымы жазды.
Мәліметтерге қарағанда, Киевке әскери көмек беру жөніндегі заң жобасы қабылданғаннан кейін Пентагон бір аптаның ішінде қару-жарақтарды украин бөлімдеріне жеткізе алады. АҚШ сенатының барлау жөніндегі комитетінің басшысы Марк Уорнер осылай деп мәлімдеген.
АҚШ президенті Джо Байден заңға сейсенбі немесе сәрсенбі күні қол қоюы мүмкін. Содан кейін Украина 300 шақырым жердегі нысанды көздей алатын ATACMS жүйесі мен басқа да қару түрлерін алады.
АҚШ конгресінің өкілдер палатасы 20 сәуірде Украинаға 60 млн 800 млн доллар көмек беруді көздейтін заң жобасын мақұлдаған.
Сарапшылардың пікірінше, ATACMS тактикалық зымырандарының майдандағы күштер үлесін өзгертуге шамасы жетеді. Украин күштері соның көмегімен Ресейдің Украинада басып алған өңірлерінің бәріндегі нысандарды жоя алады. Сарапшылар ATACMS жүйесі әуежайлардағы ұшақтарды, әуе қорғанысы жүйелерін, мұнай өңдеу зауыттарын, жүк тасымалдайтын логистикалық орталықтарды жоюға ыңғайлы.
Украина президенті Владимир Зеленскийдің мәлімдеуінше, Киев қажетті әскери жүйелерді алған жағдайда, Украина қарулы күштері майданда басымдыққа жете алады. Украина әскері алысқа ұшатын зымыран жүйелері мен әуе қорғанысы жүйелеріне зәру.