Қирғизистонда 2023 йилдан буён қарйиб 30 минг ноқонуний муҳожир аниқланди. Бу ҳақда Ички ишлар вазири ўринбосари Нурбек Абдиев 27 май куни парламент йиғилишида маълум қилди.
“2024 йилнинг тўрт ойида мигрантларни ноқонуний олиб киришни ташкил этиш билан боғлиқ 90 та жиноий иш қўзғатилган, шундан 81 таси судга оширилган. Хорижий фуқаролар томонидан содир этилган 7259 та ҳуқуқбузарлик ҳолатлари қайд этилиб, жами жарималар миқдори 39 миллион сўмни ташкил этди”, — деди вазир ўринбосари.
Абдиевнинг сўзларига кўра, 2022 йилдан Қирғизистонга асосан Бангладеш, Ҳиндистон ва Покистон каби давлатлардан келган муҳожирлар сони ортган.
Хорижга ишчи кучи экспорт қилаётган Қирғизистонда муҳожирларга қарши кайфият кучаймоқда. Қирғизистон ҳукумати муҳожирларга қарши рейдларини фаол ошираётгани, пойтахтда тобора кўпаяётган хорижлик аҳоли сабабли юзага келаётган тарангликдан хабардор эканликларини кўрсатади.
Қирғизистон миллий хавфсизлик қўмитаси раҳбари Қамчибек Ташиев Бишкекдаги жанубий осиёликлар яшайдиган ётоқхоналарга уюштирилган ҳужумларни қоралаш ўрнига, зўравонликлар рўй бергандан бир кун ўтиб, чет элликларга нисбатан чора кўришни талаб қилиб тўпланган оломонининг талабларида “жон бор” деб айтди. Ташиев ўз видеомурожаатида полиция тарқатиб юборишга қийналган оломон “Бангладеш, Покистон, Ҳиндистон, Миср ва бошқа мамлакатлардан келган талабалар ва ишчилар сони ортиб бораётганидан” қўзғалганини таъкидлаган.
Жапаров жорий йил баҳорида ноқонуний муҳожирларни таъқиб қилишни буюрганидан сўнг, Ташиевнинг айтишича, ҳар куни "20, 30 ёки 50 га яқин" шундай муҳожир қўлга олинган.
Ташиев 1000 нафар Бангладеш ва 1500 Покистонлик депортация қилинганига қарамай, 5000 нафар ноқонуний муҳожир борлигини тахмин қилмоқда.
Аммо Ташиев ҳукумат Жанубий Осиё давлатларидан ишчи кучи қидираётганини айтишни унутди.
Октябрь ойида Меҳнат вазирлиги 2024 йил учун чет эллик ишчиларга квотани 50 фоизга, 16,6 минг ўриндан тахминан 25,000 ўринга оширишини маълум қилганди.
Уларнинг учдан икки қисмидан сал камроғи саноат, қурилиш ва транспорт соҳаларига, яна 13 фоизи тоғ-кон саноатига, 14 фоизи хизмат кўрсатиш ва савдо соҳаларига ажратилган.
Шу ойда 17 000 га яқин бўш иш ўринларига ариза берганларнинг қарийб ярми Бангладеш, чорак қисми Покистон ва 16 фоизи Хитойдан.
Қирғизистондаги 60 000 га яқин чет эллик талабаларнинг 24 000 дан ортиғи Ҳиндистон ва Покистондан бўлиб, уларнинг аксарияти тиббиёт йўналишида таҳсил олади.
Апрель ойида Бишкек шаҳар полицияси “хорижий талабалар иштирокидаги йўл-транспорт ҳодисалари кўпайиши, шунингдек, улар иштирокидаги жиноятлар олдини олиш ва фош этиш мақсадида” куръер бўлиб ишлаган 400 нафар хорижлик талаба ҳибсга олинганини маълум қилган эди.
16 май куни Давлат Миллий хавфсизлик қўмитаси 28 нафар Покистон фуқаросини визаси муддати тугаганидан сўнг Бишкекдаги тикувчилик цехида “ноқонуний ишлагани” учун қўлга олди.
Хорижга ишчи кучи экспорт қилаётган Қирғизистонда муҳожирларга қарши кайфият кучаймоқда.