Қозоғистон собиқ президентининг кенжа қизи Алия Назарбоева Қозоғистон тарихида илк бор судда ютказди. У тадбиркорлар Нурлан Бимурзин ва Медгат Калиевларни туҳмат қилганликда айблаб, судга берган эди.
“Суд 7 июнь куни менга ва Медгат Калиевга нисбатан туҳмат даъвоси билан очилган ишни тугатиш ҳақида қарор қабул қилди. Яъни, суд биз туҳмат қилмаганимизга амин бўлди", дейди жавобгарлардан бири Нурлан Бимурзин.
КазТАГ нашри қайд этишича, Қозоғистон суди собиқ президент қизининг даъвосини рад этиши илк бор учрамоқда.
Аввалроқ тадбиркорлар 2000 йиллар бошида Алия Назарбоева уларнинг бизнесини рейдерлик йўли билан олиб қўйганини айтган ва ушбу факт бўйича жиноий иш қўзғатишни сўраган. Кейинчалик тадбиркорларнинг аризасини Иқтисодий тергов департаменти кўриб чиқаётгани маълум бўлган.
Собиқ президент Нурсултон Назарбоев 2019 йилда президентликдан истеъфо берган ва ҳокимиятни «ўз одами» бўлган парламент сенати раиси Қасим-Жомарт Тўқаевага топширганди.
2022 йилда қонли Январь воқеалари деб аталган норозилик намойишлари ва тартибсизликлар ортидан Тўқаев Назарбоевни Хавфсизлик кенгаши раиси лавозимидан бўшатиб, бу лавозимни ўзи эгаллаган эди. Шундан сўнг Назарбоевнинг қозоқ сиёсатидаги таъсири сусая бошлаган.
2022 йилда қонли Январь воқеалари деб аталган норозилик намойишлари ва тартибсизликлар ортидан Назарбоевнинг қозоқ сиёсатидаги таъсири сусая бошлаган.