Ссылки доступа

Қозоғистонда маъшуқасига ОИВ юқтирган эркак қамалди


Шахтинск суди
Шахтинск суди

Аёл “ОИВ инфекциясидан келиб чиққан иккиламчи касалликлардан" вафот этган.

Қозоғистонда маъшуқасига одам иммунитети танқислиги вирусини (ОИВ) юқтирган эркак тўрт йилга қамалди. Маъшуқа ОИВ келтириб чиқарган касалликлардан вафот этган.

Бу ҳақда Қозоғистон Олий суди матбуот хизмати хабар берди.

Эркак 2015 йилда ОИВ инфекциясини юқтириб олганини аниқлаган. У даволанишдан бўйин товлаганлик ва ОИВни бошқаларга юқтирганлик учун жиноий жавобгарлик мавжудлиги ҳақида огоҳлантирилган эди. Бироқ у 2016 йилдан 2023 йилгача бир аёл билан уни ОИВдан хабардор қилмаган ҳолда яшаган.

Шахтинск суд хулосасида айтилишича, эркакнинг айби, хусусан, суд-тиббий экспертиза хулосаси билан тасдиқланган, унга кўра аёл “ОИВ инфекциясидан келиб чиққан иккиламчи касалликлардан" вафот этган.

Қозоғистонда ОИТС эпидемиясининг глобал мониторинги маълумотларига кўра, 2023 йилда Қозоғистонда ОИВ инфекциясининг 3862 янги ҳолати аниқланган. 2024 йил бошида мамлакатда жами 32,6 минг киши ОИВ билан касалланган эди.

XS
SM
MD
LG