“Экстремистик қарашлари сабабли” 151 нафар хорижликлар Қозоғистонга киритилмаган ва 280 дан ортиғи мамлакатдан депортация қилинган. Бундай рақамлар 12 июнь куни Миллий хавфсизлик қўмитаси раиси бошчилигида Қозоғистон аксилтеррор марказининг навбатдаги йиғилишида янграган.
Ҳудди шундай рақамлар МХК раиси Эрмек Сагимбаев Қосим-Жомарт Тоқаевга МХК фаолияти ҳақида ҳисобот берганда ошкор қилинган эди.
Йил бошидан бир терактнинг олди олинган. 26 нафар шахс террорчилик ва экстремистик фаолият учун судланган, яна 22 нафари юзасидан тергов ҳаракатлари давом этмоқда.
Бундан ташқари, мамлакатга тақиқланган диний адабиётларни олиб киришга уринган 19 нафар хорижлик жавобгарликка тортилган.
Қозоғистон аксилтеррор марказининг навбатдаги йиғилишида шунингдек “терроризм ва экстремизмга қарши курашиш соҳасидаги ишлар самарадорлигини ошириш масалалари” кўриб чиқилган. Айтилишича, ИИВ ва МХК уч мингдан ортиқ жамоат жойларини террористик хавф эҳтимолига текшириб чиққан.
МХК раиси Эрмек Сагимбаев бу лавозимга 2022 йил январь воқеалари пайтида тайинланган эди. Унгача у президент қўриқчиларининг раҳбари бўлган.
Бундан ташқари, мамлакатга тақиқланган диний адабиётларни олиб киришга уринган 19 нафар хорижлик жавобгарликка тортилган.