Чуй вилоятининг Сўқулук туманида Жанубий Осиё мамлакатлари фуқаролари мажбуран ишлатилаётган тикув цехи аниқланди.
Миллий хавфсизлик давлат қўмитасининг 20 июндаги баёнотида айтилишича, фуқаро J.A. норасмий тикув цехини ишга тушириб, унда Жанубий Осиёдан олиб келинган 30 нафар хорижликни ноқонуний ишлатган.
J.A. хорижликларни алдаб ишга ёллаган, уларга ваъда қилинган иш ҳақини бермаган ва зарурий ҳужжатларни расмийлаштирмаган.
Қайд этилишича, гумонланувчи маҳаллий участка нозири билан тил бириктириб, чет элликларнинг паспортларини олиб қўйган ва Қирғизистонда ноқонуний бўлганликларини рўкач қилиб, таҳдидлар билан ишлатган.
Цех эгаси ва участка нозири ушланиб, изоляторга жойлаштирилди. Хорижликларга нисбатан қандай чоралар кўрилгани ҳақида маълумот берилмаган.
Қирғизистонда 2023 йилдан буён қарйиб 30 минг ноқонуний муҳожир аниқланди. Қирғизистонга асосан Бангладеш, Ҳиндистон ва Покистон каби давлатлардан келган муҳожирлар сони ортган.
Хорижга ишчи кучи экспорт қилаётган Қирғизистонда муҳожирларга қарши кайфият кучаймоқда. Қирғизистон ҳукумати муҳожирларга қарши рейдларини фаол ошираётгани, пойтахтда тобора кўпаяётган хорижлик аҳоли сабабли юзага келаётган тарангликдан хабардор эканликларини кўрсатади.
Октябрь ойида Меҳнат вазирлиги 2024 йил учун чет эллик ишчиларга квотани 50 фоизга, 16,6 минг ўриндан тахминан 25,000 ўринга оширишини маълум қилганди.
Уларнинг учдан икки қисмидан сал камроғи саноат, қурилиш ва транспорт соҳаларига, яна 13 фоизи тоғ-кон саноатига, 14 фоизи хизмат кўрсатиш ва савдо соҳаларига ажратилган.
Шу ойда 17 000 га яқин бўш иш ўринларига ариза берганларнинг қарийб ярми Бангладеш, чорак қисми Покистон ва 16 фоизи Хитойдан.
16 май куни Давлат Миллий хавфсизлик қўмитаси 28 нафар Покистон фуқаросини визаси муддати тугаганидан сўнг Бишкекдаги тикувчилик цехида “ноқонуний ишлагани” учун қўлга олди.
Қирғизистонда 2023 йилдан буён қарйиб 30 минг ноқонуний муҳожир аниқланди. Қирғизистонга асосан Бангладеш, Ҳиндистон ва Покистон каби давлатлардан келган муҳожирлар сони ортган.