2022 йилда Остонада рўйхатга олинган ушбу компания Россиянинг Украинага бостириб кириши бошланганидан кўп ўтмай, ноябрь ойида Кремлнинг ҳарбий машинасига ҳисса қўшаётгани аниқланган ва Европа Иттифоқининг санкциялар рўйхатига киритилди.
Қайд этилишича, Da Group 22 компанияси Россия божхона маълумотларида Қозоғистондан минглаб микрочипларни олувчи сифатида кўрсатилган.
Очиқ маълумотларга кўра, Da Group 22 бир нафар ходимдан иборат.
Жорий йилнинг февраль ойида Қозоғистоннинг яна бир компанияси Elem Group Европа Иттифоқининг санкциялар рўйхатига киритилган эди. Шу билан бирга, Қозоғистоннинг Elem Group ва Da Group 22 ширкатлари АҚШ Молия вазирлигининг Хорижий активларини назорат қилиш бошқармаси кенгайтирилган санкциялар рўйхатига киритилди.
61 жисмоний шахс ёки ширкатлар Россия ҳарбий-саноат комплексини бевосита қўллаб-қуватлагани учун санкциялар рўйхатига киритилган, шу жумладан, учинчи давлатлар – Хитой, Туркия, Қозоғистон, Қирғизистон ва БАА ширкатлари.