Қирғизистоннинг Чункурчак дарасида флайжампинг вақтида эркак жарга тушиб кетган.
У 10 қаватли бино баландлиги билан тенг бўлган 25 метрлик аттракциондан дарага арқон билан сакраганида арқон узилиб кетган.
Айтишларича, у арқон билан сакраш аттракционига оиласи, жумладан уч фарзанди билан келган.
Флайжампинг аттракциони эгаси қўлга олинди. Унга нисбатан истеъмолчилар учун хавф туғдириш моддаси бўйича жиноят иши қўзғатилган.
Бунга тўпланган материаллар ва марҳумнинг яқинлари берган ариза асос бўлган. Тегишли экспертизалар тайинланган.